高海寧謝絕相睇：覺得好尷尬

無綫藝人高海寧（高Ling）及黃心穎等昨日到電視城出席《一月星辰》活動，將於13日踏入28歲生日高Ling的透露，生日要拍攝處境劇《愛．回家》，晚上則與家人食飯慶祝。自從「叮噹」配音員林保全突然離世，令她知道要珍惜身邊所有人，故希望有時間可帶婆婆到處遊玩。單身的她笑言如30歲時仍未拍拖就要相親：「我個圈子好細，啲朋友叫我出去玩識吓朋友，我就覺得好尷尬，好似特登出去識男仔咁。」