蔡恩真見完家長唔認男友

韓模蔡恩真（EJ）昨日與藝人黃美棋出席旅遊活動，EJ性感示人，提到早前與外籍男友Mr. H到瑞士過白色聖誕節，她表示：「我哋發展中，但未係男朋友。認識咗兩個月，係好朋友。（去旅行都未係男友？）佢屋企人想見我，佢媽咪見到我當我係女，關係好好。而且我之前又未去過瑞士，我想確保佢係咪right person先。」問到見家長是否結婚？她笑言：「邊個知？但我未計劃結婚，不過佢對我好好，係好聆聽者。」她透露男方30歲，任職歐洲銀行，現長駐香港。