亢帥克搞音樂會 幫娘家籌旗
前「亞洲之子」亢帥克昨日到電台宣傳新歌，一直留意「娘家」亞視情況的他稱：「考慮同星光幫搞籌款音樂會，唔知可唔可行，但諗唔到其他方法。（你出碟去亞視落廣告？）都可以考慮喎。（搵埋羅力威？）都想，但最近少聯絡。」
曾效力亞視的資深演員梁小龍昨日出席活動，對於亞視的營運危機，他坦言非一朝一夕：「我以前都有投訴過，佢哋個個（製作人員）都淨係識得顧自己。」他又指亞視五十周年時在北京舉行活動，有邀他出席及聲稱會頒發終身成就獎，豈料舉家到達時遭冷待而冇位坐，令他氣憤離去。問可會重返亞視給予支持？他謂：「如果係新老闆就去。」