歌手糖妹（黃山怡）、陳慧敏及Mastamic昨日出席校園活動，糖妹出現獲全場中學生拍掌歡呼，當糖妹與中六男生玩遊戲時，由於題目是人體器官，中六男生即陰陰嘴笑，抵死的糖妹說：「你諗咩？」男生笑說：「我驚一陣講咗出嚟。」糖妹自爆求學時無心向學：「上堂顧住寫詞，老師以為我好勤力，日前執屋畀我搵番本歌詞簿，當然啲詞唔係好得啦。」而穿上熱褲的陳慧敏承認中文水準差說：「依家作曲時都會填埋詞，因為中文差所以近年都不停睇書惡補中文。」
