錢嘉樂鴛鴦浴 難為黃智雯

藝人錢嘉樂、黃智雯、朱晨麗及蓋世寶等昨日現身電視城，為無綫新劇《拆局專家》試造型，已有兩年沒拍劇的錢嘉樂表示，今次在劇中做危機專家，更與黃智雯有感情線，被笑指對手愈來愈年輕時，他笑言：「學三哥（苗僑偉）囉！（咀？）好似有，唉！真係難為咗智雯！」他又謂要向太太湯盈盈備案，婚後有感責任感變重。提到資深攝影師陳國雄（高佬）拍戲時意外身亡，嘉樂亦出力幫忙高佬家人：「佢出事第二日已經聯絡業界幫手，高佬識咗好多年。（幫幾多錢？）數字唔使公布嘅！」

蓋世寶呻低收入

黃智雯則首次擔正做女一，更透露會有揸跑車飛車場面，與嘉樂演情侶的她更笑言會有《天若有情》的感覺，至於有沒有親熱鏡頭？她說：「有出浴鏡頭，一齊浸浴！（露背？）睇吓要露幾多啦，未試過！」鮮有拍劇的蓋世寶亦將參與此劇，對於兒童節目《放學ICU》被停播，她表示不捨但未有不開心，已加入兒童組近廿年的她經歷三代節目變遷。至於收入是否減少，她笑說：「呢樣嘢最擔心，始終冇咗穩定收入，希望可以爭取多啲工作機會，不過演員係被動，主動都唔見得爭取到。（損失幾多位數？）本身都唔多位數o架！」

同場的魏焌皓早前被o靚模黃榕指負心漢，他表示事情已完結，不想延續而選擇沉默，他說：「我只可以講，佢講嘅嘢，我冇做過。」他謂對於女藝人被列表指曾被他追求，他坦言不開心：「我係男仔被人講冇所謂，但唔好拖其他人落水」。

文：影視組