偉仔谷戲 派妻喜宴直擊
苗僑偉（三哥）和戚美珍（三嫂）前晚開P慶祝銀婚紀念兼三嫂牛一，身為三哥好友的梁朝偉因為要為主演的《一代宗師3D》到北京做宣傳，所以派老婆劉嘉玲作代表赴宴，嘉玲還在微博開心share派對盛況，好讓身在內地的偉仔感受現場氣氛。
至於偉仔昨日與導演王家衛、章子怡、張震、張晉等《一》片劇組人員在北京出席該片的「謝師宴」，答謝一班教他們打功夫的詠春師傅，眾人又在台上大擺功夫甫士，功架十足。席間，偉仔與子怡密斟咬耳仔。
而嘉玲昨在活動上表示偉仔缺席派對感到遺憾，笑言並非代老公到場：「我都識佢哋（三哥和三嫂），好開心咁齊人食飯，場面好感動！佢哋拍拖8年，結婚25年，共行33年人生路，我同偉仔都冇咁耐！」