張可義人魚線突圍 最愛港男
有「嫩口張可頤」之稱的模特兒張可義（Emily）與女演員張可頤全無關係，但Emily坦言因為這名字，令更多人記得自己！對於擇偶，她堅持找文化相近的亞洲人，「溝」到後亦能「通」，更首選港男！而她暫未有簽公司的大計，不過希望將來能與「男神」古天樂合作！
一聽到張可義（Emily）的名，令人自然聯想到女演員張可頤，其實她們一點關係都沒有！Emily當全職模特兒4年，去年更代表香港到北京參選中國小姐。
拒用奇招博出位
面對強勁競爭，好多o靚模出盡奇招博出位，Emily就識趣話每個人都有自己的生存方式：「大家都要搵食，不過我唔會咁做，更何況我唔係行『事業線』，我咁鍾意運動，行『人魚線』、『馬甲線』啦！」不過Emily都曾爆出負面緋聞，她坦言事出突然：「好突然，無啦啦畀人影到！我亦唔知呢行咁易有緋聞，好驚面對媒體！」
恨同古天樂合作
Emily常因工作要到外地，有一次到泰國與男模特兒合作，獲對方送上Goodbye Kiss令她心花怒放！她最愛型男，想識到古天樂的「分身」，但堅持選擇亞洲人，香港男性更是首選：「我鍾意好Man、滿面鬍鬚嘅Feel，不過外國人同亞洲人始終文化唔同！」喜歡旅遊的她剛從台灣回港，大讚港男比台灣男好：「雖然台灣男仔講說話溫柔啲，但係香港男仔更體貼！」
Emily暫時未有新動向，但想跳進大銀幕作新發展：「最想挑戰喜劇，愛情片要喊都係遲啲先，想人地笑到喊多啲！」她不諱言想與「男神」古天樂合作：「有得拍喜劇mix愛情片就最Perfect啦！」
Profile
張可義（Emily）
年齡：24歲
身高：1米70
三圍：33C-25-35
文：專案組
攝：吳文聰
服裝：Sloggi
場地：Freepho