林建名恨搵後生靚女拍拖

富豪林建名前晚大除夕夜與新女伴一同出席仁濟倒數慈善餐舞會，他介紹女伴是公司新進藝人汪靖宜，期間又熱情地用手機為對方拍照。問林生是否飛起「緋聞女友」何傲兒？他即說：「唔關事，佢都唔係我公司，（佢有冇同你講happy new year？）冇喎，佢忙嘛，（呢啲重要日子唔一齊過？）佢有佢，我有我！（新一年唔開心事忘記佢？）係呀，希望所有香港人都一樣，你哋唔好再問，唔係我又流眼水。」他又笑稱新年願望想結識新女友：「靚女，身材好，（後生？）要相當年輕，（你應唔應付到？）唔知，到時話你聽，（有心有力？）拍拖係。」