文凱玲百人慶生逼爆場

女星文凱玲（Connie）早前舉行生日派對，與約一百名好友慶祝，令她相當感動，收禮物收到手軟，她說：「逼到大家冇位坐，全場一齊唱生日歌，令我好感動！（收到咩禮物？）多到我一個人拎唔晒，有香水、護膚品、酒、飾物，最深刻係fans club會長親手摺嘅幸運星，好耐冇收過自製禮物，我放喺屋企當眼處日日對住。」
壽星女文凱玲捧着生日蛋糕甜笑。
壽星女文凱玲捧着生日蛋糕甜笑。

Connie又指生日前獲公司安排跟何浩文為《鴨王》合唱主題曲，第一次錄歌大感興奮，問到生日願望，她說：「希望拍戲有好成績，同埋有時間拍拖。」

文凱玲與一班好友歡度生辰。
  • 文凱玲與一班好友歡度生辰。