盧頌之回春 床戰嫩草

藝人邱美薇（Chelffy）、模特兒盧頌之（DaDa Lo）及演員陳恩碩（Tom）三人大纜都扯唔埋，但他們將聯同其他演員於本月9日起，舉行三場舞台劇《血染謎情》，故事講述要犧牲多人，才可以延續「吸血鬼」DaDa的生命。

唔想男友捧場

DaDa大爆與年僅16歲的Tom會有「床」戲，還要年紀「回春」與Tom拍拖，她說：「我哋做一對16歲嘅情侶，Tom本人就真係16歲，但我大佢九年，對我嚟講係挑戰。加上我哋到時會有床戲——喺張會斜嘅床嘅角落做對手戲，我問Tom到時我哋會唔會跌落嚟！？（會否邀請男友趙勁皓到場支持？）梗係唔好，我叫佢唔好嚟，喺劇入面我要唱歌，佢知我歌藝點，我平時連K都唔唱，所以今次真係新嘗試，好想同大家分享呢一刻，依家練歌多過要記台詞。」

DaDa Lo為了與陳恩碩（左）演情侶，年齡、身高都要「降呢」。

邱美薇（右）揚言為盧頌之犧牲，下海演妓女。

四圍搵客吸血

Chelffy直言今次挑戰甚大，要飾演妓女「壯烈犧牲」：「因為DaDa嘅媽媽救咗我之後死咗，我要照顧DaDa，佢演個吸血鬼，我要做妓女幫佢搵血。同埋我個角色最後會死，新年頭咁樣好大吉利是，但劇團就鍾意突破，我覺得喺觀眾面前咁演都幾大挑戰。」

至於年僅16歲的Tom，舞台劇經驗豐富，在劇中有多個身份，身兼編劇、作歌、填詞、主演及導演，他說：「套劇靈感來自一本瑞士小說，覺得好有意思，就拎出嚟演。（寫劇本時有冇諗定邊個去演？）寫完先搵人去做，所以想點寫就點寫。」

服裝：NoveltyLane

髮型：Bowie＠Fifth Salon

場地：爆炸戲棚

文：專案組