草蜢整容做CEO
無綫劇集《名門暗戰》演員黎耀祥、胡定欣、蕭正楠、陳國邦、曹永廉及組合草蜢前晚在荃灣荃新天地出席除夕倒數。黎耀祥被問到2014年是否豐收一年？他說：「年年都差唔多啦！嚟緊二月開劇《公公出宮》！都係同五虎拍！」祥仔又表示將與太太到日本旅行，更揚言冇上限讓太太掃貨任買！
草蜢在去年幾乎沒有休息，賺到盤滿缽滿，蔡一傑說：「過去一年冇停過，依家就準備做DVD後期工作！」提到好友張智霖（Chilam）即將「升呢」做CEO，問蔡一傑會否覺得Chilam可跑贏謝霆鋒？他說：「冇得咁比嘅，Chilam係好紮實嘅藝人！」蔡一智又笑言：「依家做CEO首要條件係靚仔，我要整容先可以做！」
定欣指去年發生很多不開心的事，問她是否因與男友分手而不開心？她說：「唔係，係社會有好多唔開心嘅事。（同前男友有聯絡？）有嘅，（復合？）唔講呢啲嘢啦！（屋企人催拍拖？）冇喎！日日都開工，結婚冇時間表，希望呢一兩年啦！」