軒仔向譚玉瑛致敬

張敬軒早已預告四個頒獎禮都會有特別造型出現，今次軒仔由額頭到左邊面都塗上白色，手拿着水晶燈出場名為「Chandelier」。而軒仔以《青春常駐》奪叱咤十大第二位，他更拖埋坐在他旁邊的譚玉瑛一齊上台，並由譚玉瑛親手頒獎給軒仔，軒仔指譚玉瑛是他童年偶像，台下歌手紛紛企起身支持她。軒仔稱：「若果唔係譚玉瑛姐姐喺演唱會度出現，相信呢首歌只係一首好普通嘅，但因為有咗佢，先譜出真摯情感出嚟。」而譚玉瑛就話：「演唱會做咗嗰段戲搞到咁多人喊，令好多男仔灑下男兒淚，再次講聲對唔住。」