祖兒出動高層「救火」

天后容祖兒前晚於文化中心出席「新年．新世界．香港除夕倒數」活動，對於新城知訊台台長朱明銳不滿她缺席頒獎禮？祖兒坦言：「我都唔知自己係咁得人重視，但美國嘅演出好難得，希望佢（銳哥）稍安毋躁，唔係專登唔去。」可會親自與銳哥傾吓？祖兒謂：「唔會啦，佢嘅級數應該吳雨大哥（英皇高層）搵佢。（點睇銳哥舉中指？）佢飲大咗，咁佢都解釋咗唔係。」銳哥話對英皇仁至義盡？她說：「唔能夠干預公司，如果我識分身術就好。」有指祖兒缺席激嬲新城，令冇歌的鄧紫棋（G.E.M.）得4獎成大贏家？祖兒則指新世代有新標準和規則，要與時並進。對G.E.M.被指扮大牌遲大到，祖兒笑言：「咁我都要耍吓，慢慢學啦，年紀仲細。」而昨日祖兒出席另一個活動時，被問到有傳今年與男友劉浩龍結婚？祖兒否認有求婚或結婚打算，指今年工作上有很多挑戰。