姚書軼認宅望追求者熱情啲
名模姚書軼（Mikki）是愛貓之人，最近家中又添一員，為一隻美國捲耳貓，取名為Melon。她說：「我一直都想幫我個仔（Water）搵個伴，等我唔喺屋企嗰陣佢冇咁悶。」她笑言Melon活力充沛，在家中跑來跑去冇時停，令家中增添生氣，又謂：「起初係Water當Melon玩具咁玩，依家掉番轉頭，Melon係咁追住Water玩，好溫馨！」
如今有貓萬事足的Mikki，會否只顧照顧家中兩隻寶貝，而冷落追求者？她說：「都有啲追求者嘅，但我係宅女，啲人見到唔出街就覺得我對佢冇意思，都冇下文。其實我係一個好被動嘅人，對方要有好多熱情先得，不過都要睇緣分嘅。」
