黃德斌無中生誘逼蔡思貝親熱

藝人黃德斌、敖嘉年、蔡思貝和李泳豪等前晚在啟德郵輪碼頭拍攝無綫新劇《當鐵馬遇上戰車》捉飛車黨戲份。問曾自認「發電廠」的思貝有否電德斌？她直言跟對方零代溝：「我點解要電佢！我同德斌好搞笑，成日都互窒！」認為德斌講得笑的她更想推薦德斌做諧角：「所以我成日都同德斌講，覺得佢應該畀私底下嘅呢面監製睇，咁啲監製就搵佢做滑稽角色。」

思貝更透露早前拍被胡諾言毒打戲份時撞到腰搞到要針灸，又指拍此劇體驗了首次化重口味眼腫特技妝。至於有否親熱戲？她就直言連愛情線都冇：「唯一就係我鍾意咗胡諾言，但佢追我係為咗報仇囉！」

德斌搞笑自稱向思貝發電，更夾硬話二人有親熱戲。	李泳豪親身上陣示範飄移。	敖嘉年考獲電單車牌後即接拍《當》劇，時機剛好。

自認「第三者」

問飾演德斌徒弟的蔡思貝有否「電」自己？德斌就笑謂：「我電佢就有，佢都冇電啦開工開到。」雖然思貝就否認有親熱戲，但德斌就搞笑話同對方有親熱戲：「唔係嗰種！都親都熱o架！（有咀？）咁又冇，兩師徒！」此時思貝就邊走邊叫嚷，話自己是「第三者」，非常搞笑！而德斌又透露懂得飄移的李泳豪會親身上陣，問德斌是否又識飄移？他笑謂：「吓？唔識喎，坐喺張櫈就識！」

至於同場的敖嘉年雖然在劇中常與德斌鍊車較量，但原來他不久之前才考到電單車牌：「考完之後，佢哋就話拍呢套，問我有冇電單車牌，真係好好彩。」

文：影視組