蝦頭生日又喊又笑
歐陽震華（Bobby）、萬綺雯（蚊蚊）、黃心穎、王浩信、陳煒及楊詩敏（蝦頭）等最近合作劇集《東坡家事》，培養出猶如家人的感情，繼日前穿古裝開聖誕P後，前晚趁今日39歲生日的蝦頭與泰臣（翟凱泰）拍完感情戲後，眾人驚喜現身送禮物及蛋糕，結果蝦頭又喊又笑相當有趣，場面溫馨！
感情似足一家人
蝦頭昨日接受電話訪問時坦言眾人近個多月日對夜對，感情相當好：「蚊蚊準備嘅兩個蛋糕超好食，佢哋又送生日卡，上面用毛筆寫字，好得意。（生日願望？）希望目標一一實現。（結婚？）男友都未有，冇諗啦！」蚊蚊昨日表示專程往西貢買生日蛋糕：「嗰間出名好食同hand made，仲要先到先得！我哋又送咗五顏六色嘅杯蝶、零食，同埋長壽麵，其實即係杯麵，大家寫晒自己個名上去。」
至於心穎表示日前與浩信拍結婚戲，感受到前輩的關心：「二哥Bobby同二嫂蚊蚊幫我整理塊紅布，大家都話佢哋對我好好，我好似真係結婚咁！」
文：影視組