羅力威作樂多端 標汗谷碟
羅力威昨日舉行新碟發布會，為歌迷送上遲來的聖誕禮物，他化身「鋼琴王子」之餘，又即興為新歌改詞，不斷為歌迷送上新驚喜，到簽名會時段，威威因現場氣氛太熱烈搞到狂標汗，有粉絲即貼心遞上紙巾。
歌手羅力威昨日於海港城為最新EP《TIME ALONE》舉行發布會，身為唱作人的威威即場自彈自唱新歌《潮水》，更驚喜改編冧爆歌迷，到簽名會時段，威威就因為現場氣氛太過熱烈搞到「汗如潮水」，有粉絲即刻貼心遞上紙巾。
想挑戰舞蹈
威威表示覺得推出專輯或EP都無所謂：「最希望係盡快出歌，EP幾首歌咁快啲出都幾好，新碟有我好鍾意嘅創作，又會有蒲歌同Party歌。」
講到威威常有新嘗試，問下次會否試舞曲？他說要大膽一點再嘗試，又透露自己電視台出身，過去亦有接觸過舞蹈，如有人有耐性教他，他亦願意學習：「但最好有私家教練，因為我唔係好敢同人一齊練。」
自誇有心思
昨日威威冧爆粉絲，問他平日會否為女朋友花心思？他即迴避問題：「我過去好多時都會改吓歌詞，呢兩年少啲。（女朋友呢？）我冇回應呢個問題一排。我都算係會揀禮物嘅人，下年會想同上年唔同，依啲係做人嘅快樂，係人之常情。」
文：音樂組
攝：嚴偉國