曉明爬周董頭 勢做羊爸
周杰倫及黃曉明兩大男神今年先後宣布「封盤」結婚，日前堪輿學家麥玲玲師傅接受《東網電視》節目《娛樂演．講．聽》獨家訪問，論盡圈中喜事之餘，更率先預測曉明有機會爬周董頭做羊年爸爸！
今年多位男神相繼「封盤」，繼台灣天王周杰倫揚言會於明年1月18日36歲生日結婚後，內地億萬小生黃曉明上月亦豪言明年會娶女友Angelababy，《東網電視》日前邀得堪輿學家麥玲玲，接受娛樂節目《娛樂演．講．聽》獨家訪問，一連兩集論盡羊年的圈中喜事，玲玲師傅預測曉明分分鐘雙喜臨門，爬周董頭做羊年爸爸！
隨時雙喜臨門
恨做爸爸的周董日前揚言婚後要做多仔公，生夠五個組樂隊，惟玲玲師傅表示周董羊年生B機會不大：「會結婚先，羊年未必有機會生B。」看來周董想升呢做爸爸要加把勁造人！
曉明與Baby上月宣布明年結婚，隨即被粉絲催促「明年娶Baby，後年生Baby！」玲玲師傅預測曉明羊年隨時雙喜臨門：「曉明幾明顯馬年、羊年都有結婚運，分分鐘雙喜臨門！」而曉明日前參與內地節目時，要與老虎同場。
對於今年世紀復合的謝霆鋒及王菲，玲玲師傅相當睇好，惟2016年卻會「不結即分」：「到2016年猴年，即霆鋒本命年都唔結婚，就會有變數，所以最好註冊時機係2016年。」
謝霆鋒怕老婆
玲玲師傅笑指外表cool爆的曉明及霆鋒是「鱷魚頭老襯底」：「霆鋒同曉明嘅命都對老婆唔差，心底係怕老婆，佢哋雖然大男人，但對住老婆都係忌三分。」她又讚二人有責任感：「兩個都係唔錯嘅男人，對屋企、家庭嘅責任感強，喺相格嚟講都係眉濃，兩個都係鼻比較高同直，異性緣一定強。」看來Baby與王菲都要落力箍實兩位型男！
玲玲師傅表示，圈中鑽石王老五郭富城、林峯、古天樂及馬國明中，只有林峯有機會「封盤」，城城暫未有機結婚：「佢前幾年已經過咗結婚運，如果要結就要相隔一段好長時間。」
文：專案組