羅孝勇聖誕陪女 謝偉倫恨唱通街
樂壇新人謝偉倫（Alan）、羅孝勇、何雁詩、岑日珈、組合天堂鳥、SIS樂印姊妹等昨日齊齊出席於元朗大棠「香港哈爾濱——冬日嘉年華」舉行的迎聖誕活動，眾歌手在台上勁歌熱舞，又大玩爭櫈仔，估歌仔等遊戲，吸引不少歌迷撐場。
出道前在尖東賣唱的Alan直言最近出了新碟，但心繫賣唱生涯：「都好想再落番去唱，但要偷偷地，因為唱片公司唔係好畀，始終街邊比較嘈，唱得大聲易傷聲。」他又話就算未能於尖東唱，都希望跟朋友拍片放上網分享音樂。
見過女友家長
至於同場的羅孝勇就話聖誕會平分時間給混血兒女友和家人，又自爆已見過家長：「佢Daddy都Jam歌，仲幾靚仔，前排我已經送咗自己新碟畀Uncle。」比起聖誕禮物，羅孝勇就話主力準備另一份禮物給女友：「因為女友係12月31日生日，我準備咗個比較特別嘅蛋糕。」
另外，天堂鳥表示正全力準備即將舉行的音樂會，經常練歌練到半夜，其中Tyrese又自爆：「我有條吊腳得幾緊要嘅褲，見到啲腳毛都幾澎湃吓，考慮緊剃唔剃。」
文：音樂組