譚詠麟神秘重溫銀河歲月
樂壇「校長」譚詠麟為入行40周年出自傳，其中好友林子祥更堅持親筆用英文寫序，大讚校長多年來用快樂感染大家，不過對於感情事，校長就笑言：「嘥氣啦，我點會講你知！」
譚詠麟昨日為新書《譚詠麟走過的銀河歲月》於apm舉行簽名會，有近500人圍觀，一度逼爆至商場二樓。新書是校長入行40周年的第一炮慶祝活動，當中更分為「歲月定格」及「他們和譚詠麟的那時刻」兩個部分，細說不同時期的校長。校長直言已有29年未試過簽書，平日多數簽唱片，出書還是第二次。
最愛阿Lam的序
他又講到看書時尋回不少難忘往事：「有啲故事係我睇番先知，有啲朋友講番一啲本身我冇心做嘅嘢，但佢哋睇到有意。我仲叫佢哋寫完唔好畀我睇住，等出咗先畀我睇。」提到有不少好友為新書着墨，校長就話最喜歡林子祥（阿Lam）的序：「阿Lam嗰段就用英文寫，仲指定要用親筆版，唔畀我用電腦打番。」而序言中阿Lam就大讚校長不斷將「快樂因子」感染身邊的人，為大家帶來歡樂和能量。
唔sell感情事
校長又話新書中的每一部分都相當喜歡，直言：「全部都係屬於我，人生入面咁多姿多采，真係不枉此生。」至於校長有否有書中提及感情事？校長就一如既往保持神秘話：「嘥氣啦，我點會講你知！」
文：音樂組
攝：鄭家俊