攝影師陳國雄（高佬）日前於香港拍攝成龍新片《絕地逃亡》時，遇上翻船意外不幸溺斃，事發後圈中不少藝人及影壇的屬會（例如導演會和攝影師學會等），都紛紛低調捐款幫助高佬家人。其中香港專業電影攝影學會會長劉偉強是處理捐款的負責人之一，他受訪時表示主要將捐款分為兩個階段：「初階段希望大約有60萬，係用喺高佬嘅殮葬費同埋佢屋企人嘅燃眉之急，稍後就希望可以籌一筆錢用嚟幫高佬仔女嘅學費，同埋屋企嘅生活費。」
