冬甩聖誕各自精彩

組合冬甩成員陳芷敏(Elke)和陶嘉瑩(Elise)日前相約提早慶祝聖誕。今年重考DSE的Elise打算聖誕閉關苦讀,而Elke則興致勃勃說:「好想去北海道過白色聖誕,不過今年應該都係喺香港,想開Party,試食火雞。」

青春甜美的Elke早前有幸參與男神張智霖(Chilam)和佘詩曼主演的電影版《十月初五的月光》,她興奮激讚:「Chilam好靚仔同好pro(專業)。嗰場戲係講唱K慶祝同事生日,我哋拍完喺度自high,鄭欣宜同陳慧敏都喺度,佢哋唱歌好好聽!」現正寒窗苦讀的Elise,坦言以當律師為夢想:「好想戴住律師帽!」近日已減少接job的她,又自爆初時上內地登台被抽水,不過揚言現已學懂保護自己!