爾冬陞爆劉青雲接戲扭擰
監製爾冬陞及導演李光耀近日為來年四月上映的新戲《暴瘋語》受訪，期間小寶對主演的劉青雲及黃曉明作出豪氣點評。他先踢爆青雲為人「扭擰」：「佢好煩o架，同梁朝偉一樣，搵佢哋拍就話『唔好啦』，好扭擰o架！」小寶笑稱對方花名為「定海神針」：「佢喺片場同我唔friend，仲會保持距離。佢一入片場就好專注，令到大家都專心起嚟。」
談到另一主角黃曉明，小寶爆最愛在戲中糟質對方：「我對佢好滿意，又有男人味！不過靚仔唔着數，因為我最鍾意打靚仔，等佢咁多女仔鍾意吖嗱！」至於李光耀則直指今次演員陣容百年難得一遇，又爆與戲中女演員薛凱琪曾為同學，故只會讚她，未敢講對方壞話。