黃芷晴遊韓唔預男友
黃日華女兒黃芷晴昨日與幾位星二代如鄭欣宜、王子涵、唐貝詩、姜麗文等出席活動，被問到於網上有批她與一男子甜蜜遊韓國的照片，是否與男朋友預支蜜月，芷晴否認說：「唔係，今次係同班朋友去，男友冇一齊去，絕對唔係預支蜜月。同我合照嗰個唔係我男朋友，係我朋友Will，男友都識佢。（男友無嬲？）唔會，我已經話晒畀佢知，佢好信任我。（但啲相好sweet？）無問題，影得靚嘛。除咗同呢個男仔朋友影，我仲有同其他男仔朋友影，女仔朋友都有，啲相唔係唔見得光。」
另外，欣宜表示男朋友着衫很好有自己style，故不會揀衫給男友，她亦接受不到情侶裝。王子涵就透露現正傾洽簽約內地經理人，問到為何不直接簽給父親，她說：「我唔想爹哋直接幫我，唔想個感覺咁星二代，唔想出工作都係靠爹哋。」
