張明敏勉勵港青唱好中國心

有「民族歌手」之稱的張明敏，相隔17年再度推出新專輯《我的中國夢》，昨日張明敏會見傳媒宣傳新碟，他表示推出《年青人中國心》後，有機會接觸了很多內地年輕人，發覺有好多責任應該去做，他說：「之後我都專注中港兩地嘅年輕人工作，依家唱片市道困難，唱歌對我來說只係一種興趣。」

在港出新專輯

張明敏的新歌《我的中國夢》是今年初應邀亮相內地春晚節目中演唱，之後他一直都有計劃想出碟，最初打算在上海推出，但當香港發生佔中事件後，令他產生一股衝動去做，他說：「我覺得有責任去出呢張專輯，仲決定喺香港推出，因覺得現今香港年輕人唔係太了解內地文化，其實中國開放改革多年條路唔易行，年輕人應先理解咗才去要求。」

車淑梅撐張明敏出新專輯。

張頌華會與父親張明敏合唱《父子》。（資料圖片）

兒子內地就業

他怎樣去吸引年輕人去聽他的歌？張明敏老實說：「咁我哋都冇得逼人去聽，惟有靠電視台、電台播多啲，畀年輕一代聽到。」新專輯中張明敏跟兒子張頌華合唱一首《父子》，他說：「我個仔雖然喺澳洲讀書，但佢畢業後都返咗內地工作，所以佢相對香港年輕人比較了解內地嘅文化，當然有啲事個仔都未必接受，但就要去學會面對同協調，要實事求事先得。」

文：音樂組