張慧儀養子孝順感安慰

張慧儀前晚出席慈善晚宴,表示今個聖誕節會留在香港陪伴養子:「我想同佢喺香港玩,例如帶佢上山頂、去離島、坐開篷旅遊巴,我同佢搬返嚟香港不知不覺都一年八個月,但都未有時間帶佢四圍去玩吓遊覽吓。(你工作咁忙囝囝有無投訴?)無,佢好乖好懂事,我同佢講話媽媽要搵食要工作,佢都好明白。佢好錫我,有次佢喺學校祈禱話今日我媽媽生日,叫其他同學仔一齊為我祈禱,又考到兩個一百分送畀我做生日禮物,話最珍貴係媽媽,我真係覺得好安慰。」