阿佘冷待Chilam 嘉穎恨頒視后

佘詩曼、張智霖、鄭嘉穎、胡杏兒與陳智燊昨晚為投資公司開幕任嘉賓，再封視后的阿佘以露背裝現身，與兩位前緋聞男友同場。Chilam與陳智燊現身時不慎差錯腳落水池，阿佘上台時見Chilam同台，神色略帶尷尬，幸獲老闆解圍安排企位，不過阿佘與Chilam近乎零交流，與嘉穎則有講有笑。

記者要求四人合照時，Chilam拉杏兒擋在自己與阿佘中間，問Chilam是否有意避佘？他笑言：「唔係，係男士風度，我哋拍戲都有排拍啦！（恭喜阿佘封后？）一陣有機會親口恭喜佢。」

阿佘穿露背裝現身。

張智霖遇上阿佘有點尷尬，只好不斷與杏兒傾偈，嘉穎則較從容。

問嘉穎有否恭喜阿佘？他坦言：「有傳短訊畀佢，依家有機會當面恭喜佢。」有傳Chilam避頒獎給阿佘，問如邀請他頒獎會否應承？嘉穎笑言：「我又冇老婆，梗係OK！」

杏兒想夾嘉穎投資

問封后的阿佘會否加價？她說：「做嘢唔問價錢，係公司安排。」提到疑似避開Chilam，阿佘笑言：「唔係，通常都有安排企位，但今次冇。（同Chilam同場尷尬？）點會？我哋拍緊戲成日見。」

談到投資，杏兒指要搵嘉穎夾份，問感情是否更進一步？她笑言：「講笑啫！」提到被Chilam用作擋佘，杏兒說：「唔係，佢好有風度，畀女士企中間。」問聖誕是否與Mr. R有約？杏兒透露平安夜會到內地拍真人騷。而嘉穎就笑說杏兒有很多Mr. R。

文：影視組