祖兒歌聲禮佛導阿Sa脫苦海
容祖兒前晚擔任佛教慈善音樂會表演嘉賓，自覺與佛有緣、亦會抄寫佛經的她透露多年前曾唱過《心經》，更出過唱片，但不是太多人知。對於好友蔡卓妍（阿Sa）在新戲中有突破的裸露演出，祖兒大爆阿Sa差點患上抑鬱症，她亦有約阿Sa消遣作開解，幸好阿Sa已無大礙。
天后容祖兒前晚身穿素色露背裝為一個佛教慈善音樂會擔任表演嘉賓，同場有台灣歌手齊豫等。對於今次獲邀獻唱，祖兒認為自己與佛有緣：「我同媽咪都係偏向佛教，自己都有抄寫佛經。其實好多年前我唱過《心經》，仲出過碟，不過冇乜人知。」
自嘲道行尚淺
問祖兒會否再推出佛教專輯？她表示沒有刻意安排，更指其道行沒有鄺美雲般深厚，所以一切要由緣分決定。談到當晚的露背裝，祖兒解釋謂：「件衫嘅色比較樸素同密實，但後面顧唔到咁多，加上要配合今次場合嘅莊嚴，都幾難揀。」
另外，祖兒好友蔡卓妍（阿Sa）在早前發布的新片《雛妓》海報中近乎脫光，再浸在血紅色水中，祖兒坦言也有留意：「我覺得好震撼，同埋好期待套戲，聽講佢（阿Sa）係全裸，佢都話希望大家唔好抱色情心態去睇，套戲有深遠嘅意義。」她又大爆阿Sa在拍攝期間心情受到影響：「佢最辛苦係情緒問題，佢拍嗰陣好低落，有啲抑鬱嘅症狀，都有約佢出嚟玩同食飯，不過依家佢冇事。」
唔怕拍大膽戲
再問如祖兒要接拍有情色元素題材的電影，是否需要向男友劉浩龍預先申報？她指藝人的身份比較被動，只是等待機會，如果遇到好的機會要爭取，否則會錯失良機：「所以等到有好機會嗰陣唔使交代。」
文：音樂組