亞姐無懼冇糧出照面試亞視
亞視正面對拖糧問題，多位應屆亞生及亞姐昨日仍參加面試，無懼冇糧出照想加入亞視，接受主持、才藝和演技考驗，當中「嫩版鞏俐」吳夢婷表示不擔心沒糧出：「我仲係學生，冇諗賺錢，係諗學習。」亞姐季軍陳洋鈴認為亞視會有周轉方法。
其後藝員張家瑩及蔡國威出席活動，對於亞生黃集鋒自揭戶口得$7.9，家瑩說：「聽到都打個突！我有慰問佢，希望佢冇事。」蔡國威則說：「我十幾年前都試過，明白呢種痛苦。（幫佢？）能力上做到嘅都會。」提到亞視男廁尿兜驚現投資者王征頭像紙樣，蔡國威說：「惡搞係自由，如果我見到會幫手執，戴手套囉！有廢物喺尿兜始終唔好。」高層冼偉智亦認為此舉不當。
另網上流傳一封員工向亞視「借糧信」範本，信內借糧原因是十二月份未出糧（亞視昨仍未發放十一月份薪酬），要供養父母、子女、供樓、交租及日常開支，若亞視出糧後會把借糧歸還。
此外，前日亞視六點半新聞直播期間，突然傳出一把女聲表示「我冇稿呀！」昨日亞視發言人表示只是技術及溝通問題，員工沒因拖糧影響士氣。