劉嘉玲晒靚腿預告聖誕開P

影星劉嘉玲、劉青雲與郭藹明夫婦及內地女星黃奕昨晚在香港出席活動，嘉玲身穿綠色高衩旗袍大騷長腿，問到為何老公梁朝偉沒有同行？她說：「佢去咗滑雪，我要工作，下個月有劇開，要排練，聖誕都會留喺香港過，同朋友開Party互相送吓禮物。（王菲會唔會再來港？）唔會再嚟喇！怕咗你哋呀！（我哋真心祝福佢！）我將祝福轉達畀佢聽！」
劉嘉玲一身貴氣高衩裙亮相，艷光四射。
劉嘉玲一身貴氣高衩裙亮相，艷光四射。

青雲表示怕多人，聖誕不會到處去，問到會否送禮物給太太郭藹明？他笑說：「中國人唔送禮物喇，畀利是啦！（煮聖誕大餐？）係咪火雞？好似白切雞好食啲喎！Chinese啲！」問青雲曾否下廚冧老婆？郭藹明就指老公曾煮即食麵及牛扒。近期受婚變困擾的黃奕不接受訪問便匆匆入場。

黃奕不接受訪問，揮揮手匆匆入場。
  • 黃奕不接受訪問，揮揮手匆匆入場。
劉青雲和郭藹明夫婦恩愛現身。
  • 劉青雲和郭藹明夫婦恩愛現身。