霍震霆開球禮食NG揮桿四次

港協暨奧委會會長霍震霆昨日出席保良局慈善高爾夫球賽，並主持開球禮，球技生疏的他第四桿才打得出。問到平日有否打高爾夫球習慣？他笑說：「睇我頭先就知麻麻哋！」問到希望孫仔將來「地上最強」還是「水上最強」？他指孫仔只有一歲多，繼而呻兒子霍啟剛和新抱郭晶晶對孫仔嚴謹：「得一歲幾，依家嘅家長好怪，咁細都要畀佢上堂。（香港大競爭？）係啦，都要多啲參與運動。（帶佢去玩？）慢慢，等佢自己選擇，高爾夫球都幾好。」問到孫仔識叫「爺爺」未？他回應：「識叫爹哋、媽咪，日日同佢講『爺爺』，都冇反應。」同場的藝人滕麗名表示聖誕節會與老公去日本滑雪，但未有計劃生B，幸老爺奶奶也沒有催抱孫。