楊崢獲贈遊澳歎超豪假期
識飲識食的名模楊崢，早前獲澳洲旅遊局邀請赴澳洲出席名廚晚宴，獲度身設計一個為期兩周的富豪級假期，豪食豪住兼大玩多種刺激玩意！
楊崢（Vanessa）早前獲澳洲旅遊局點名為全球86位具影響力人士的其中一人，應邀出席在澳洲塔斯曼尼亞舉行的「Invite the World to Dinner」名廚晚宴，對於自己成為「具影響力人士」之一，她亦大感意外：「出席既有名廚、有記者和Blogger，點解揀我？要問佢哋，可能覺得我對飲食有興趣，出過飲食書可能都係其中一個因素。」
刺激玩意挑戰膽識
Vanessa在澳洲獲上賓式的禮待，遊覽昆士蘭（Queensland）、塔斯曼尼亞（Tasmania）、阿德萊德（Adelaide）、墨爾本（Melbourne）和悉尼（Sydney）等多個城市，沿途坐直昇機，住豪華五星級酒店，又飲用年度最佳威士忌，過了一個富豪級的假期！期間，她大玩潛水、滑水和行鐵橋等刺激玩意，挑戰自己膽識。她說：「我哋挑戰Sydney Harbour Bridge鐵橋時，原本自己唔驚，但喺我後面個女仔不停大叫Oh My God，都搞到「怯怯地」。最驚險係潛完水除蛙鞋時先知腳底刮傷晒，傷口仲不停流血，佢哋講笑話好在見唔到鯊魚咋。」但Vanessa不理傷口，之後還到Bondi Beach玩滑水，笑稱：「教練話海水有助消炎嘛，唔怕。」問她有否想過移民澳洲？她說：「反而想喺悉尼買樓，投資回報都高啲。」
文：名人組