呂良偉夫婦想同子丹做親家

藝人呂良偉與太太楊小娟昨日出席公開活動，透露13歲兒子呂善揚與他們溝通得很好，甚至會分享喜歡那個女生。問其子是否已有女友？小娟說：「佢由細到大都只係鍾意甄子丹個女Jasmine（甄濟如）o架咋，到依家都係咁好、咁friend。（娶佢做新抱？）係呀，我鍾意呀，不過唔知人哋鍾唔鍾意。」

楊小娟繼續爆兒子呂善揚十分聽Jasmine的說話，每次Jasmine唱歌善揚都會很認真地踎低又爬高幫她拍片。問其子是否想與Jasmine拍拖？楊小娟說：「依家佢仲咁細，但佢鍾意啲女仔皮膚白、斯文，同埋Jasmine好好家教，我自己好鍾意呀。（流晒口水？）係呀，哈哈。（咁快想娶新抱？）我覺得好仔不如好新抱啦，我依家揀定嘞。」

呂善揚被爆自小已喜歡他身後的甄濟如。	多才多藝的甄濟如曾在姨姨汪圓圓的婚禮上獻唱。	呂善揚喜愛表演耍功夫。

讚多才多藝

楊小娟表示已同兒子說明，日後娶老婆一定要給母親過目，她說：「咁都要媽咪同意先，唔係你自己happy就得，媽咪都要happyo架麻，係咪？我個仔話oko架，佢好孝順o架。不過我估佢未有咁快拍拖，邊有咁細個拍拖呀。」在旁的呂良偉對Jasmine亦讚不絕口，他說：「我都鍾意佢，佢好乖o架，多才多藝，依家佢唱歌我個仔仲打鼓添，滿分o架嘞呢個，滿意o架我哋。」但他稱兒子心智尚未成熟，相信他不會咁早拍拖。翻查資料，現年十歲的甄濟如果真多才多藝，除了拜劉詩昆為師彈得一手好鋼琴，畫功方面亦相當不俗，作品經常被展覽，難怪呂良偉夫婦對她有讚無彈。

對於有傳關之琳明年結婚，楊小娟表示：「都係你哋講咋，我冇聽佢講佢結婚，冇收到帖。但都會準備禮物，隨時結婚要送畀佢。」

文：影視組