李亞男「股」惑大解放

即將成為人妻的李亞男，昨晚以前、後大Deep V的黑色晚裝亮相頒獎禮，大露背至屁股位，極為吸睛。亞男不介意婚前大解放：「最緊要靚啫！（老公過目？）今日太忙冇睇！」剛從馬爾代夫拍婚紗相返港的她，表示與王祖藍都很喜歡當地陽光海灘而不捨回港：「日日都跟住時間通告去影，好似返工咁！（預支蜜月？）唔係！只係想搵個靚地方影相，我哋會再揀地方度蜜月！」
李亞男大露背至屁股，十分養眼。
李亞男大露背至屁股，十分養眼。

昨早亞男與祖藍返港時，被問到婚禮籌備進度？祖藍說：「搞緊！（有特別主題？）佢哋知o架喇，白雪公主、白馬王子！」另祖藍返港前在微博晒恩愛，上載他倆在馬爾代夫沙灘，坐在蠟燭砌成的心形中共進晚餐，並留言：「心形的晚飯，典型的浪漫，老土的橋段，情人最喜歡。」

王祖藍與李亞男在馬爾代夫沙灘撐枱腳。
  • 王祖藍與李亞男在馬爾代夫沙灘撐枱腳。