子珊失獎贏貴氣 高海寧Big跌衫
徐子珊、高海寧、李璧琦及胡定欣等一眾姐仔，昨晚在紅地氈上各出奇謀搶鏡，子珊奪視后無望，但一身3千萬珠寶首飾行頭，卻讓她貴氣冠絕全場。與李璧琦同樣勁露胸前事業線的高海寧，叉腰做訪問怕晚裝裙下滑。
無綫一眾小生、花旦昨晚盛裝行紅地氈，姐仔們各出奇謀搶鏡，貴氣、性感大鬥法，其中徐子珊雖然爭輸視后，但一身3千萬珠寶首飾行頭，讓她貴氣冠絕全場。李璧琦穿上香檳粉紅色心口透視長裙，半球若隱若現；高海寧則勁谷4吋胸前事業線；王君馨更真空上陣tube dress示人；胡定欣施展高衩露腿誘惑，上落樓梯時更差點走光，岌岌可危！黃心穎紅色deep V長裙露腰，性感搶鏡。視后佘詩曼則以古典拖地長裙look亮相，雖與黃翠如撞了公主look，但平分春色。
晒3千萬行頭
子珊以黑裙微露事業線，配以周大福贊助的30卡藍寶石戒指、6卡藍寶石頸鏈、3卡藍寶石手鏈及5卡鑽戒，全身合共3千萬珠寶首飾行頭，她說：「我條裙係自己嘅，喺外國訂，價值5萬蚊，左手5卡、右手30卡戒指，加埋全身首飾係周大福贊助，價值3千萬！（個胸被條裙嘅剪裁壓扁？）我不嬲冇（胸）o架啦，唔會海市蜃樓，但今日午餐同晚飯都冇食，因為我好貪靚，想着得條裙更加fit！」
李璧琦露半球
高海寧叉着腰做訪問，令原本已澎湃的事業線更見「胸」湧，她解釋：「因為套衫有啲鬆，可能我瘦咗，怕會跌落嚟，所以叉腰，我做足安全措施，黐晒膠紙。」至於透半球的李璧琦否認改行性感說：「件衫係設計師Arthur Lam作品，都唔係好性感啫，中間有喱士遮住，我唔係改行性感路線，我係可愛公主路線。」而真空上陣的王君馨則說：「裏面真空，冇黐膠紙o架，好安全嘅。（唔怕走光？）件衫質地好厚，好放心！」心穎亦說：「近排忙拍《東坡家事》，着古裝多，今晚有機會着靚衫喇！今晚我戴咗8百萬珠寶喺身，成層樓戴咗喺身，好驚呀！」
文：影視組