徐子珊黃光亮 拜師梅蘭芳門下

無綫藝人徐子珊與黃光亮，昨日到灣仔出席「紀念梅蘭芳先生聚餐」，兩人向近日適逢在香港教學的京劇大師梅蘭芳門下弟子胡芝風敬茶拜師，胡老師喝茶時臉露微笑，對新收得的徒弟頗為滿意。子珊說：「我好榮幸可以跟胡老師學曲，跟到梅蘭芳弟子學曲，真係諗都冇諗過，希望我喺演戲、唱歌、跳舞以外，開展多一個範疇。（你前緋聞男友黎明都演過梅蘭芳，好有淵源？）我又聯想唔到喎。」子珊又多謝黃光亮為她引薦：「有次同亮哥傾偈，佢話胡老師來港，問我有冇興趣學曲，我對每種表演形式都有興趣。（京劇難度高？）係，我都好緊張，我都係第一次見老師，佢肯教我已經好開心啦！」