周家蔚佗B擦魚生 勁後悔
懷有5個月身孕的周家蔚昨日在樂富着住高踭鞋擔任活動評判。她坦言現在比佗大仔洪大仁時「曳曳」：「有時會唔記得自己大肚，走去食柑，有次天明仲帶我食魚生，我話有咩事你負責，食完之後好後悔，始終呢啲嘢都係由媽咪負責番。」
提到幫二仔改名，她就大爆老公洪天明講笑話將二仔取名「大王」。而她又好慶幸奶奶幫她儲了好多大仁的舊衫，慳了筆買衫錢。
陳浩民細女改名Isabella
另外，藝人陳浩民前晚六點半在聖保祿醫院陪老婆蔣麗莎迎接7.2磅的三千金出世。當浩民大女見到可愛的三妹後更忍不住要獻吻，場面溫馨。
特意從內地趕返港的浩民就坦言未諗囡囡中文名，但英文名就改做Isabella，更笑言揀12月12日開刀是因為網購有折扣：「咁以後幫BB買生日禮物就可以平啲，同埋『伊er伊er』（普通話發音）好易記！」雖然已經歷過兩次陪妻生B，但他仍然又緊張又興奮，入產房時一直捉住老婆對手，到囡囡出世後就笑到見牙唔見眼。
文：影視組