Jocelyn嫁妹搞難忘婚禮
名模Jocelyn與老公Anthony昨日出席活動時，她透露妹妹將於明年四月在家鄉夏威夷舉行婚禮：「我睇咗好多雜誌揀婚紗同晚裝影畀佢睇，我會做妹妹嘅化妝師，而Anthony會做攝影師。」她謂入行多年，從不少專業人士偷師，希望為妹妹舉行一個難忘婚禮，而妹妹今年25歲，難以想像已長大成人：「喺我心目中，佢仲係一個baby，諗起都想喊。」
談到二人造人計劃，Jocelyn表示：「兩年後啦，依家要拍戲，又要學好普通話，等事業有成先。」而Anthony表示有份參演的電影將於兩、三個月後上映，他在電影中飾演一個瘋狂和有趣的角色，並以廣東話、泰文等多種語言演出。