陳偉成宣傳健身室 借機抽Yumi水
藝人陳偉成（Avis）、歌手泳兒（Vincy）與洪卓立（Ken）等前晚出席雜誌《HMViSS》派對。Avis被問到可有恭喜舊愛尹蓁晞（Yumi）早前在微博宣布蜜運？Avis顯然不知情，但言談間卻不忘「抽水」：「我都係依家先知，咁真係要恭喜佢！見佢好似圓潤咗好多，可能佢男友鍾意啩，同埋感受到我間fitness幫佢纖體瘦身嘅威力，仲可以代表到唔做運動嘅人就變成咁。」
發火轟太口渴
昨日記者致電Yumi，對於Avis諷刺她「圓潤」，她笑言：「其實我仲係單身，只係同個男仔了解中。（有發展空間？）想了解多啲先，唔想一齊咗先發現唔夾。」她坦承因冬天關係體重有所上升，但否認之前減肥成績是靠Avis：「我好耐冇去佢度，我減肥成功係靠我代言嘅美容院。（介意分咗手都仲抽你水？）唔介意，只係佢講嘅嘢唔真實，想澄清番，希望佢唔好咁講。」雖然她口說不介意，但Avis的言論或已動怒Yumi。昨晚她在微博連發兩段留言，怒氣沖沖反擊：「某健身室我只是去了一次瑜伽課程而已。別再抽了吧，你沒水喝嗎？」矛頭直指Avis，火藥味濃！
泳兒下年開騷
而同場的泳兒則透露明年二月舉行音樂會。而洪卓立則表示將拍有關飲酒的喜劇電影，平時不飲酒的他要在電影中八成醉，問到會否不慣？他稱：「拍嗰陣會適可而止嘅，但我飲醉會發脾氣。」他透露女友湯怡亦有份演出，但笑言對方在戲中清醒。
文：音樂組