羅仲謙妓驚四座 遭杏兒剃眼眉
外形討好的羅仲謙（謙仔）近期於無綫熱播劇集《醋娘子》中化身風流闊少，周旋於胡杏兒及岑麗香（香香）之間。但他於明日播出的一集中就慘被「情敵」吳卓羲、胡杏兒及黃淑儀齊齊「夾計」剃眉及化上「白面妝」，靚仔樣頓變面目全非！劇情講錢通（羅仲謙飾）為向太君（梁舜燕飾）賀壽而粉墨登場，卻「錯手託付」吳卓羲及胡杏兒等為他化妝。眾人貪玩一齊在其俊臉上「重手」化上爆笑藝妓妝，令謙仔慘變「白面乸型」！
預告同香香洞房
謙仔於電話訪問中直認妝容驚嚇度十足：「大家喺我塊面度畫得好開心，出嚟嘅效果都幾驚嚇！（滿意效果？）自己好滿意，起碼視覺效果好好笑！」他又自爆將與香香上演洞房戲，敬請觀眾拭目以待，他說：「係洞房但唔係親熱戲，係啲搞笑場口！」
另外，唔執輸的吳卓羲亦分別於劇中跟杏兒在澡堂談心，又與醉酒的香香依偎而睡，可謂艷福不淺！
文：影視組