Kelly仔思琦女成好友 小龍包冧掂Krystal
藝人楊思琦的女兒Krystal正就讀幼稚園，原來與陳慧琳（Kelly）細仔劉琛（小龍包）讀同一間學校，兩位小朋友更成為好友，在聖誕派對中交換禮物，思琦讚Kelly是緊張媽媽，凡事跟得很足。
靚媽楊思琦昨日身穿性感低胸裙出席天然美容保健產品專門店開幕禮，提到去年女兒Krystal患病開肚切腸，思琦表示囡囡吸收慢又偏瘦，所以想找適合的天然食品給女兒吃。
碰面會傾偈
聖誕節將至，她希望可帶囡囡去主題公園玩，並大爆Krystal與Kelly細仔劉琛（小龍包）讀同一所幼稚園，小朋友們更成為好友：「學校之前搞咗個聖誕派對，可惜我參加唔到，囡囡返嚟話我聽，佢同小龍包交換禮物，佢兩個讀同一班，囡囡成日提到佢名，好得意，小朋友返嚟都會分享番，我問佢邊個係best friend？同邊個玩？佢就講到小龍包個名。」
思琦又稱與Kelly早已相識，不時湊小朋友返學也會碰面、傾偈，並謂：「佢都係好緊張小朋友嘅媽咪，佢都跟得好足，一有時間就睇小朋友。」
文：影視組