李嘉欣謝絕母子檔掘金
「大美人」李嘉欣為保愛兒許建彤（小JM）私隱，一直婉拒所有「母子檔」活動邀請，但她早前上載印有小JM樣貌的咕o臣到微博，與粉絲分享，卻被母親指摘。嘉欣坦言將來會先取得長輩批准才帶小JM出席公開場合，又透露已婉拒母子檔掘金。
李嘉欣（Michele）及藝人馬德鐘老婆張筱蘭、高錕太太黃美芸昨日同出席慈善活動，Michele透露聖誕將在港度過，但聖誕後會帶囝囝許建彤（Jayden Max，小JM）到日本，笑言屆時與囝囝一起學滑雪。
唔想囝囝接觸演藝界
提到她早前在微博放上印有小JM樣貌的咕o臣相片，公開兒子的容貌，Michele會否帶囝囝出席公開活動？她說：「等佢大啲先算，不過都要得到爺爺、嫲嫲、婆婆嘅批准。我放咗咕o臣相之後，我媽咪都有話我做乜放相！」她坦言一直有不少廣告商開出非常吸引的條件，請他們「母子檔」登場，但為了力保兒子的私隱，全部推掉，她坦言：「佢唔使接觸太多演藝圈，如果佢想就自然會睇得出，我唔會去引導佢。依家都好多星二代、三代，少佢一個唔少。」
張筱蘭擔心兒子性向
而聖誕節張筱蘭將與家人度過，並希望探訪獨居老人，兒子會否希望趁聖誕佳節約女孩多過去探訪？她竟自爆擔心兒子性向：「佢暫時冇女朋友，不過我聽其他家長講學校有好多女同學暗戀佢。佢爸爸有問佢鍾意男定女，佢都傾向女仔。如果佢鍾意男仔，都唔會反對，不過當然希望佢開枝散葉。」
文：名人組