關之琳聞婚訊即閃

鍾鎮濤（阿B）與太太范姜昨晚近八時許現身生日會，問阿B送甚麼禮物？他說：「未送呀，但心中有數啦，我啱啱落機趕嚟，嚟一陣就走。（玩得唔盡興？）唔會。（怕飲醉？）唔會，有志偉喺度，醉都係佢。」

有指關之琳即將結婚，阿B表示不知情，又指關之琳會到場，問他是否知情？他即口窒窒說：「我唔可以講o架。（送咗禮未？）你講乜，當我傻o架？你問當事人啦。」之後關之琳到場，心情大好的她企定定任記者拍照，但當記者恭喜她快將結婚時，她即轉身入場未有回答，不過入場後即被拍得與男友陳泰銘形影不離。