衛詩雅執靚架車有桃花

藝人衛詩雅昨日出席活動時表示想在婚前買跑車，莫非有結婚打算？她笑說：「唔係，不過第時結婚生咗BB之後就冇得揸啦，（依家感情生活點？）暫時未有，不過有合適嘅追求者，（擇偶條件係點？）我覺得男仔一定要有三樣嘢，第一要有車牌，第二要識踩單車，第三係識游水，因為呢啲係求生本能。」她又自爆曾因駕車有艷遇：「試過喺金鐘泊車，有個外籍人士走嚟話我架車改得好靚，之後我走咗再返去攞車，發現佢貼咗張紙條喺我架車嘅倒後鏡話想識我，仲留低咗聯絡方法，我覺得好sweet，原來架車改得靚，桃花都會多啲！」