馬德鐘帶隊拉票吼實視帝
無綫劇集《飛虎II》演員馬德鐘、李思捷、翟威廉、曾航生、許家傑、何君誠等日前相約到灣仔飯局豪歎魚子醬、大閘蟹、紅酒、花雕酒，為劇集在台慶頒獎禮拉票打氣。男主角馬德鐘被問到可有信心爭「視帝」﹖他笑說：「信心就一定要有嘅，有冇機會就唔知，優勢係依家仲播緊，嚟緊劇情都好好睇。（睇好邊個攞視帝﹖）我覺得應該畀我，哈哈。」馬德鐘最希望《飛虎II》能夠奪得「最佳劇集」，因拍攝時大家付出很多血汗，捱出兄弟情，團隊精神特別強，拍攝完亦不時聚頭。
陳庭欣遭逼婚
翟威廉緋聞女友陳庭欣突然現身飯局，兩人則被大家追問婚期，他們拿着頒獎禮候選名單拍照時又被取笑似拿着結婚證書影相，問陳庭欣是否翟威廉邀請她出席，她表示：「唔係，係監製叫我嚟食飯。」講到翟威廉揚言若《飛虎II》攞獎會着T-back示人，她笑說：「T-back冇人睇o架，T-back都唔着就差唔多。」翟威廉對於新劇有傳再添食說：「其實都好忐忑，因為真係拍得好辛苦，咁當然希望再開啦。」
李思捷透露將會主持全新的晚間清談節目，他說：「自己喺外國睇呢類late night show睇咗三十年，今次做到可以講係夢想成真，先會做十集試水溫。」
文：影視組