沙拉保夫瞞住女友捱鞭被姦

沙拉保夫自踏入2014年便不斷失控，年初捲入抄襲風波，又於柏林影展上笠紙袋行紅地氈，彷彿撞邪般。今年2月他於洛杉磯舉辦行為藝術騷《#IAMSORRY》，就其怪行向大眾致歉。為期5日的藝術騷中，沙仔全程笠上紙袋默不作聲，又準備多款道具供參加者「魚肉」，包括變形金剛公仔、小結他及皮鞭等。

事隔9個月，沙仔早前接受英國電子雜誌《Dazed Digital》電郵訪問，自爆於情人節當日，被一名女參加者鞭打繼而強姦：「有個女人同男友一齊嚟，個男仔在門外等。佢鞭打我隻腳成10分鐘，之後剝晒我啲衫，開始強姦我。當時有幾百人在出面排隊，個女人離開時披頭散髮，連唇膏都花埋，咁樣對佢同佢男友都唔好。」

懶理質問不解釋

當時沙仔的影星女友Mia亦在門外排隊入場，打算趁情人節與他慶祝。但當看到這名女子的模樣，便忍不住質問發生何事，沙仔謂：「當日是情人節，我們分開了5天，完全冇聯絡，對她傷害也很大。因為傳媒都在報道這事，她叫我解釋，我無法開口。我倆在這無法解釋的傷害下呆坐，很痛苦。」

雖然這藝術騷為沙仔帶來痛苦回憶，但他指大部分參加者都很友善：「有人一見面就脫咗我個紙袋，合照後便迅速離開，很不禮貌。有人會握着我的手一起哭泣，有人叫我『解決問題』及『做番個男人』，是我從未感受過的愛，富有同情心及人性。」

怪行連連冇人明

撰寫這篇訪問的女記者Aimee Cliff，早於9月尾便與沙仔聯絡。二人傾足兩星期後，沙仔趁10月中飛往倫敦出席新片《戰逆豪情》（Fury）首映禮時，相約於酒店以「行為藝術」形式面談。雙方全程齋對望不發一言，並戴上攝錄機拍下過程。Aimee日前於網上公開了長達一小時的「無聲訪問」片段，片中沙仔不時傻笑，狀甚享受。而他日前就趁感恩節同女友出國慶祝。

文：外娛組