諸葛爆阿媽送樓畀「冰岐麟」
名模諸葛紫岐（Marie）與Neway二少薛嘉麟的愛兒Arthur昨一歲生日，Marie媽咪蘇英昨晚在北京為愛孫舉行盛大生日宴，請來中央電視台製作團隊負責製作外，節目豐富精彩，令事前被蒙在鼓裏的Marie驚喜萬分。小Arthur更收到婆婆送上北京物業大禮，還有多部玩具車，有「車」又有樓。
Marie夫婦早前已抵達北京，帶着「冰岐麟」小Arthur乘飛機，沒有難度，她說兒子雖然只有一歲，已知道自己的生日，前晚開始已表現得很興奮。對兒子不經不覺間已經一歲大，Marie有感而發地說：「頭半年我都好緊張，但佢慢慢大個，就輕鬆咗好多，覺得唔使咁緊張，會由得佢周圍爬，跌倒嘅話就同佢講男子漢唔使喊，會畀小朋友自己空間，由佢自由發揮。」
收四部「私家車」
生日宴在北京一私人會所舉行，筵開十六席，一直有指Marie媽咪蘇英在京擔任高官要職，人脈甚廣，故今次愛孫的生日宴特別請來中央電視台的製作團隊負責製作。派對籌備了大半個月，場內以Marie最喜歡的麵包超人為主題，又有唱歌表演，令「冰岐麟」開心不已，而出席的除了親友，還有不少官商名流。
對於媽咪給「冰岐麟」送上生日宴，Marie感激的說：「老公冇送乜嘢，送愛囉！我送母愛，同不停錫佢，希望佢健康快樂。我媽咪好錫佢，喺北京買樓送畀佢，又收咁多禮物，已經收到四部可以坐人嘅玩具大車，好滿足，夠啦！」
文：名人組