鄧麗欣拗數唔肯生
歌手鄧麗欣（Stephy）昨日以活動大使身份出席環保活動，她表示有段時間受男友方力申（小方）影響而愛上踩單車，兩人買齊裝備，但都只有三分鐘熱度。
對於小方早前表示想生三個小朋友，Stephy笑言：「佢想就有o架咩，我從來冇plan咁多，最多兩個，三個好難湊，同埋我應該咇唔到咁多個出嚟。（佢話想要一個家姐、兩個細佬？）佢話事o架咩，佢雙魚座係幻想派。」Stephy又大爆：「之前外國有男人生仔，小方講過話想試吓，等佢自己試吓生三個，佢做咁多運動，依家已經ready好，有晒腹肌，唔怕修唔到身。」至於何時想生第一胎，她謂一直有計劃，但要調理身體，開放的她亦不介意未婚懷孕。