蔡思貝粗身大勢 搏命仆

藝人蔡思貝（Sisley）在無綫劇集《名門暗戰》中遭蕭正楠（Edwin）搞大個肚，雖然兩人乃同居關係，但Edwin仍搭上陳庭欣（Toby）。本周更講到Toby上男方家中玩煮飯仔，為了不做「電燈膽」，腹大便便的Sisley自稱有飯局，事實卻獨自坐小巴兜風，怎料途中小巴向前衝，令Sisley意外小產，幸Edwin見當時下雨便去接她。
首扮孕婦的蔡思貝在劇中意外小產，她表示演出冇難度。
首扮孕婦的蔡思貝在劇中意外小產，她表示演出冇難度。

想領養小朋友

Edwin透露為營造雨景，拍攝時地面全濕，但Sisley依然好搏命：「佢跌嗰下，地下又濕，其實都好危險，佢又信我可以接到佢，接唔到佢就會仆親。」

首演孕婦的她稱冇難度，皆因在德國做保母時，曾與孕婦朝夕相對一年，因此觀察到孕婦的舉止，又謂十分喜歡小朋友，將來一定會生BB，並揚言：「我由細嘅心願係，首個目標賺多啲錢，然後領養個小朋友。（未婚就領養？）單身可能有難度，但許可的話一定會。」另片中，黎耀祥將與飾演其父的岳華正式決裂。

  • 放大圖片
蕭正楠大讚蔡思貝在濕滑的地面拍攝好搏命。
  • 蕭正楠大讚蔡思貝在濕滑的地面拍攝好搏命。

文：影視組

蔡思貝在《名門暗戰》的角色遭蕭正楠搞大個肚。
  • 蔡思貝在《名門暗戰》的角色遭蕭正楠搞大個肚。
黎耀祥（左）與飾演其父的岳華正式決裂。
  • 黎耀祥（左）與飾演其父的岳華正式決裂。