余文樂求助醫生 認有精神病

余文樂和劉心悠昨日到尖沙咀出席咖啡品牌聖誕活動，樂仔稱聖誕節要拍新片，其角色患有情緒病，他謂：「其實好驚被呢啲戲影響自己心情，變咗呢個聖誕節會比較沉重。」他笑稱角色很似自己：「我覺得演員都有精神病，我覺得呢個係職業病。」問擔不擔心難抽離角色而患抑鬱症？他直言：「冇得驚，我咁後生醫到嘅！」並指會找醫生傾偈：「你話stand by醫我？算啦！我本身都『彎彎』哋！」

唔投資齋打工

樂仔又稱首次破例免收片酬出演：「呢套戲係一個新導演用政府資金拍，而且我好鍾意個古仔，所以變咗基本上所有演員都冇收錢，如果我收佢錢套戲就唔使拍o架喇！」問會否投資？他笑指：「你搵古天樂啦！或者搵其他有實力嘅，我呢啲打番工啦！」

劉心悠（左）與余文樂聖誕分別會接拍新戲。

劉心悠不怕拍鬼片，因為劇組人多勢眾。

心悠如廁喊驚

同場的心悠表示聖誕節將與蔡瀚億（Babyjohn）合作，開拍吳家麗執導的鬼片。她笑言不怕拍鬼片，但要到殯儀館取景就比較恐怖：「拍嗰時好多人喺度，所以唔會驚。今次劇組會到香港嘅『大酒店』取景，到時會搵人陪我去廁所。」為扮鬼首次化上爛面妝的她十分期待新造型，更大呼好玩。

文：專案組